Sońǵy táýlikte Reseide koronavirýs dertine shaldyqqandar sany 9 623 adamǵa kóbeiip, jalpy sany 124 054 adamǵa jetti. Osylaisha Resei álemde koronavirýs juqtyrǵandar sany boiynsha jetinshi orynǵa shyqty, dep habarlaidy TASS agenttigi.
Koronavirýs infektsiiasymen kúres jedel shtaby senbi kúni jýrnalisterge infektsiiadan 15 013 adam saýyǵyp, 1 222 adamnyń qaitys bolǵanyn habarlady. Jańa juqtyrý juma kúngi kórsetkishten 21,3%-ǵa artyq. Táýlik boiy ósý qarqyny 8,4% boldy.
Jańa juqtyrǵandardyń 4 488-inde (46,6%) aýrýdyń eshqandai belgisi bolmaǵan.
Sonymen qatar Máskeýde 5 358 jańa juqtyrý oqiǵasy tirkelip, jalpy infektsiia juqtyrǵandar sany 62 658-ge jetti.
Sonymen qatar, 82 aimaqta infektsiiany juqtyrý faktileri tirkeldi. Onyń ishinde Máskeý oblysynda - 807, Sankt-Peterborda - 323, Nijegorod oblysynda - 320, Mýrmanskide 143 jáne Daǵystanda 109 jaǵdai anyqtaldy.
Bir táýlikte 69 aimaqta 1 793 adam emdelip shyqty. Onyń 608-i Máskeýde, 98-i Sankt-Peterborda, 66-y Perm aimaǵynda, 56-sy Daǵystan, 45-i Máskeý oblysynda jáne 45-i Sheshen Respýblikasynda.
Sońǵy táýlikte 57 adam koronavirýstan kóz jumdy. Resei Federatsiiasynyń 13 aimaǵynda jańa koronavirýsty juqtyrǵandar sany 1 myńnan asty.
