24 qarashada Qazaqstanda 154 adamnan koronavirýsqa uqsas pnevmoniia anyqtalǵan. Bir táýlik ishinde Covid pen koronavirýs pnevmoniiasynan 14 adam (3-i – koronavirýs pnevmoniiasynan, 11-i koronavirýstan) qaitys bolǵan.
Koronavirýsqa uqsas pnevmoniiaǵa shaldyqqandardyń PTR-testi ádette teris nátije kórsetedi, biraq dárigerler aýrýdy klinikalyq belgileri boiynsha anyqtaidy. Densaýlyq saqtaý ministrligi 1 tamyzdan beri pnevmoniianyń bul túrine jeke kod berip, bólek eseptei bastaǵan. Sodan beri 45 105 adamǵa koronavirýs pnevmoniiasy diagnozy qoiylǵan. 486 adam qaitys bolǵan. Ministrlik áli kúnge deiin aimaqtaǵy pnevmoniia ahýaly jaily málimetti bermei keledi.
Dúniejúzilik densaýlyq saqtaý uiymy koronavirýs pen koronavirýs pnevmoniiasyna shaldyqqandardy birge esepteýge keńes bergenmen Qazaqstanda bul eki málimet bólek eseptelip, bólek taratylady. Eki kórsetkishti qosqanda Qazaqstanda naýqastar 195 303 adamǵa jetken.
Naýryz aiynan beri 150 198 adamǵa koronavirýs juqqany testpen rastalǵan. Basym bóligi jazylǵan. 2229 adam qaitys bolǵan.
