Pavlodar oblysynda koronavirýs juqtyrǵan 57 jastaǵy er adam qaitys boldy. Bul týraly 8 mamyrda Qazaqstan densaýlyq saqtaý ministrligi habarlady.
Ministrliktiń dereginshe, naýqas 6 mamyr keshki toǵyzǵa taman kóz jumǵan. Marqum buǵan deiin bronhit, qan diabetimen aýyrǵan. 26 sáýirde jansaqtaý bólimine aýystyrylyp, jasandy tynys alý apparatyna qosylǵan. Vedomstvo 2 mamyrda naýqastyń jaǵdaiy kúrt nasharlap ketkenin aitady.
Buǵan qosa, ministrliktiń 8 mamyr tańerteńgi 9.30-daǵy deregine sai, elde birden 112 adamnan koronavirýs tabylǵan. Olardyń basym bóligi Almaty qalasynda (72).
Osylaisha, Qazaqstanda 1460 adamnan virýs anyqtaldy. 1518 adam emdelip shyqty. 31 adam qaitys boldy.
Virýs juqtyrǵandar myna aimaqtarda:
- Almaty qalasy – 1501
- Nur-Sultan qalasy – 905
- Atyraý oblysy – 256
- Qyzylorda oblysy – 225
- Shymkent qalasy – 224
- Batys Qazaqstan oblysy – 217
- Qaraǵandy oblysy – 180
- Almaty oblysy – 176
- Aqtóbe oblysy – 172
- Jambyl oblysy – 171
- Túrkistan oblysy – 169
- Pavlodar oblysy – 152
- Mańǵystaý oblysy – 109
- Aqmola oblysy – 106
- Qostanai oblysy – 61
- Soltústik Qazaqstan oblysy – 34
- Shyǵys Qazaqstan oblysy – 32
AQSh-taǵy Djon Hopkins ýniversitetiniń dereginshe, álemde koronavirýs 3,8 millionnan astam adamǵa juqty. Qaza bolǵandar 270 myńnan asty. 1,2 millionnan astam adam dertten jazyldy.
