پاۆلودار وبلىسىندا كوروناۆيرۋس جۇقتىرعان 57 جاستاعى ەر ادام قايتىس بولدى. بۇل تۋرالى 8 مامىردا قازاقستان دەنساۋلىق ساقتاۋ مينيسترلٸگٸ حابارلادى.
مينيسترلٸكتٸڭ دەرەگٸنشە, ناۋقاس 6 مامىر كەشكٸ توعىزعا تامان كٶز جۇمعان. مارقۇم بۇعان دەيٸن برونحيت, قان ديابەتٸمەن اۋىرعان. 26 سەۋٸردە جانساقتاۋ بٶلٸمٸنە اۋىستىرىلىپ, جاساندى تىنىس الۋ اپپاراتىنا قوسىلعان. ۆەدومستۆو 2 مامىردا ناۋقاستىڭ جاعدايى كٷرت ناشارلاپ كەتكەنٸن ايتادى.
بۇعان قوسا, مينيسترلٸكتٸڭ 8 مامىر تاڭەرتەڭگٸ 9.30-داعى دەرەگٸنە ساي, ەلدە بٸردەن 112 ادامنان كوروناۆيرۋس تابىلعان. ولاردىڭ باسىم بٶلٸگٸ الماتى قالاسىندا (72).
وسىلايشا, قازاقستاندا 1460 ادامنان ۆيرۋس انىقتالدى. 1518 ادام ەمدەلٸپ شىقتى. 31 ادام قايتىس بولدى.
ۆيرۋس جۇقتىرعاندار مىنا ايماقتاردا:
- الماتى قالاسى – 1501
- نۇر-سۇلتان قالاسى – 905
- اتىراۋ وبلىسى – 256
- قىزىلوردا وبلىسى – 225
- شىمكەنت قالاسى – 224
- باتىس قازاقستان وبلىسى – 217
- قاراعاندى وبلىسى – 180
- الماتى وبلىسى – 176
- اقتٶبە وبلىسى – 172
- جامبىل وبلىسى – 171
- تٷركٸستان وبلىسى – 169
- پاۆلودار وبلىسى – 152
- ماڭعىستاۋ وبلىسى – 109
- اقمولا وبلىسى – 106
- قوستاناي وبلىسى – 61
- سولتٷستٸك قازاقستان وبلىسى – 34
- شىعىس قازاقستان وبلىسى – 32
اقش-تاعى دجون حوپكينس ۋنيۆەرسيتەتٸنٸڭ دەرەگٸنشە, ەلەمدە كوروناۆيرۋس 3,8 ميلليوننان استام ادامعا جۇقتى. قازا بولعاندار 270 مىڭنان استى. 1,2 ميلليوننان استام ادام دەرتتەن جازىلدى.
