"Ash júrgen adamnyń immýn júiesi álsireidi, al dál qazir epidemiologiialyq jaǵdaidy eskeretin bolsaq, dárýmendermen baiytylǵan azyq-túlik pen jemisterdi tutyný qajet. Tamaqta aqýyz, mai jáne kómirsýlar kóp bolýy kerek. Dál qazir barlyǵy dárýmender qabylaýdy qajet", - deidi maman.
Nuralievanyń aitýynsha, koronavirýstyń aldyn alý úshin jyly sýdy kóbirek ishý kerek. Sondai-aq, dáriger limon men itmuryn qosylǵan sýdy ishýge keńes beredi, sebebi ol immýn júiesine jaqsy áser etedi deidi.
Al Almatydaǵy Ulttyq biotehnologiialar ortalyǵy filialynyń direktory, professor Seidiǵapar Mamadalievtiń aitýynsha, qandai qiyn jaǵdai bolsyn, Oraza ustaýǵa bolady.
"Men Oraza ustaǵan adamdardyń immýniteti álsiregenin eshqashan kórmeppin. Ol adamdardyń aǵzasynda kún ystyq bolǵan jaǵdaida sý jetispeýi múmkin. Biraq bul immýniteti álsireidi degen sóz emes", - deidi professor.
Sonymen qatar, ol immýniteti álsiregen adamdarǵa Oraza ustamaý keregin eskertti. Onyń aitýynsha, naýqas, egde jastaǵy jáne diabetke shaldyqqandarǵa Oraza ustaýdyń qajeti joq.
"Negizi ashtyq kóp aýrýǵa em bolady. Bul zat almasý protsesin retteidi. Júrekke qysymdy azaitady, uiqy beziniń jumysyna jaqsy áser etedi. Ásirese, egde jastaǵy kisilerge em bolady", - dedi Mamadaliev.
Qazaqstannyń Musylmandary dini basqarmasyndaǵylar immýniteti álsiregen adamdarǵa Oraza ustamaýǵa keńes beredi. Olardyń aitýynsha, syrqattanǵan adamdar Orazany keiin ustasa da bolady.
"Qazir karantin, barlyǵymyz úide otyrmyz, energiia men kúshimizdi jumsap jatqan joqpyz. Karantin kezinde kóp tamaqtaný kez kelgen aǵzaǵa ziian keltiredi. Barlyǵyn baqylaý kerek, shamalap tamaqtaný kerek. Bul týraly dárigerler de aitty, Shariǵatta da solai aitylady", - dedi Qazaqstan Musylmandary dini basqarmasynyń basshysy Naýryzbai qajy Taǵanuly.
