COVID-19 pandemiiasy aiaqtalǵannan keiin kóptegen memleketterdiń institýttary sátsizdikke ushyraǵanyn moiyndaidy. Bul túcinik qanshalyqty obektivti ekeni mańyzdy emes. Koronavirýc pandemiiasynan keiin búkil álem endi burynǵydai bolmaidy, dep jazady AQSh-tyń burynǵy memlekettik hatshysy Genri Kissindjer The Wall Street Journal gazetinde jariialanǵan maqalasynda.
«Koronavirýs óte aýyr soqqy boldy. AQSh-ta ár bes kún saiyn jaǵdai eki eselenip jatyr. Koronavirýstyń emi joq. Meditsinalyq qor az, al tiimdi vaktsina tek 12-18 aidan keiin paida bolýy múmkin. AQSh ákimshiligi virýstyń taralýyn toqtata ala ma degen suraq týyndaidy. Daǵdarys jaǵdaiy qandai masshtabta bolsa da, koronavirýstan keiingi tártiptiń qandai bolatynyna qatar daiyndyqty keiinge qaldyrýǵa bolmaidy», - deidi ol.
Kissindjerdiń aitýynsha, koronavirýs pandemiiasynyń saiasi jáne ekonomikalyq saldary birneshe urpaqqa taraýy múmkin.
Sonymen qatar, eshbir memleket virýsty ulttyq kúshpen jeńip shyǵa almaidy.
«Koronavirýsqa qatysty sheshim jahandyq sipatta bolýy tiis. Iaǵni, ortaq jahandyq baǵdarlama nemese jospar qajet. Qazir biz qiyn kezeńde turmyz. Al qazirgi kóshbasshylardyń tarihi mindeti – daǵdarystan qutylý, sonymen qatar bolashaqqa negiz qalaý. Bul eki jaǵdai qoldan kelmese, álem qiyndyqtan shyǵa almai qalady», - dep jazady Kissindjer.
