Ózbekstanda búginnen bastap koronavirýs anyqtalmaǵan nemese patsientter tolyq jazylǵan oblystarǵa «jasyl» deńgei engiziledi. Bul týraly ÓzAA agenttigi habarlaidy.
Ózbekstan Prezidenti Shavkat Mirziioev koronavirýs pandemiiasyna qatysty jiyn ótkizip, turǵyndardy karantin tártibin barynsha qatań saqtaýǵa shaqyrdy.
Jiynda Shavkat Mirziioev Respýblikalyq komissiiaǵa karantinniń deńgeii boiynsha qalalar men aýdandardy jikteýge tapsyrma bergenin aitty.
Osyǵan sáikes eldiń Respýblikalyq komissiiasy 8 mamyrdan bastap koronavirýs anyqtalmaǵan nemesepatsientter tolyq jazylǵan Navoiis, Djizaksk jáne Kashkadarins oblastaryna «jasyl» deńgei engiziletinin habarlady.
«Ár adam karantin rejimin, sanitarlyq jáne gigiena talaptaryn qatań saqtaýymyz kerek jáne mindettimiz. Sonymen qatar, «sary» jáne «qyzyl» deńgeidegi óńirlerde koronavirýs anyqtalmaǵan aýdandar bar ekenin eskerý qajet. Sondai-aq erteń «jasyl» deńgeidegi óńirden virýs anyqtalsa barlyq óńirdegi jaǵdaidy ózgertýdiń qajeti joq», - dedi Shavkat Mirziioev.
