Ózbekstanda koronavirýsqa qarsy vaktsinalaý naýryzda bastalady. Bul týraly Koronavirýspen kúres jónindegi arnaiy respýblikalyq komissiianyń otyrysynda qabyldandy, dep habarlaidy "Ult aqparat".
Ózbekstannyń sanitarly-epidemiologiialyq salaýattylyq jáne qoǵamdyq densaýlyq qyzmetiniń aqparaty boiynsha, vaktsinalaý jumystary naýryzdyń alǵashqy jartysyna bastalýy yqtimal. Bul maqsatta Tashkent pen ózge óńirlerdegi emdeý-profilaktika mekemelerinde 3138 kabinet qarastyrylǵan.
Vaktsina birinshi kezekte qaýipti toptarǵa jatatyn 65-ten asqan egde jastaǵy adamdarǵa, sozylmaly aýrýǵa shaldyqqandarǵa, halyqpen tyǵyz qarym-qatynasta bolatyn meditsina, mektepke deiingi, orta jáne joǵary oqý mekemeleri jáne quqyq qorǵaý organdary qyzmetkerlerine salynady. Olardan keiin halyqtyń basym bóligin vaktsinalaý kózdelinip otyr. Vaktsina salý erikti negizde júrgiziledi.
Ózbekstannyń sanitarly-epidemiologiialyq salaýattylyq jáne qoǵamdyq densaýlyq qyzmeti 12 iri vaktsina óndirýshilerimen satyp alý jóninde kólissózder júrgizýde. Sonymen qatar Ózbekstanda qytailyq Anhui Zhifei Longcom Biopharmaceutical kompaniiasynyń vaktsinasy synalyp jatyr. Onyń klinikalyq synamalary sátti aiaqtalǵan jaǵdaida, satyp alý alynbaq
Esterińizge sala keteiik, 10 aqpan kúni Ózbekstan Prezidenti eldiń Densaýlyq saqtaý ministri men sanitarly-epidemiologiialyq salaýattylyq jáne qoǵamdyq densaýlyq qyzmetiniń basshysyna koronavirýsqa qarsy vaktsina salý jumystaryn jedeldetýdi tapsyrǵan.
Sonymen qatar «Spýtnik V» reseilik vaktsinasynyń sertifikattaý protsesi júrgizilýde.
