QR Densaýlyq saqtaý ministri Eljan Birtanov koronavirýs indetin emdeýdiń tiimdi klinikalyq hattamasyn ázirlegen áriptesterine rizashylyq bildirdi, dep habarlaidy "Ult aqparat".
«Aqtaeva Lázzat Meirashqyzyna jáne elimizdiń jetekshi meditsina qyzmetkerlerine, barlyq áriptesimizge koronvirýs infektsiiasyn diagnostikalaý men emdeýdiń tiimdi ár sátti qoldanylǵan klinikalyq hattamasyn ázirlegenderi úshin rizashylyq bildiremin. Elimizdiń ártúrli óńirindegi indetpen qazirgi ýaqytta kúresip jatqan barlyq áriptesimen rahmet. Indet oidan shyǵarylmaǵan, ol ókinishke qarai áli de jalǵasýda. Biraq meditsina qyzmetkerleriniń, sonymen qatar elimizdiń densaýlyq saqtaý júiesiniń túrli ýchaskelerin basqaryp júrgen áriptesterimniń janqiiarlyq eńbeginiń arqasynda ázirshe indet baqylaýda tur. Sondyqtan da barlyqtaryńyzdan parasatty bolýdy, meditsina qyzmetkerleri men biliktiń usynystaryn oryndaýdy taǵy da ótinemin. Bul - májbúrli ýaqytsha shekteýler», - dep jazdy Eljan Birtanov Facebook paraqshasynda.
Aita keteiik, QR Densaýlyq saqtaý vitse-ministri Lázzat Aqtaeva Facebook paraqshasynda COVID-19-ǵa qarsy immýndy plazma tehnologiiasyn jaǵdaiy aýyr patsientterge qoldaný maquldanyp, ol koronavirýs infektsiiasy boiynsha qazaqstandyq klinikalyq hattamaǵa qosylǵanyn, KVI aýyrýyn jeńgen 18 jasta tolǵan adamdar ǵana donor bola alatyndyǵyn jazǵan edi.
