Otandyq kásipkerlerdi qoldaýǵa jáne jańa jumys oryndaryn qurýǵa eń kemi 300 mlrd teńge bólinedi, dep habarlaidy "Ult aqparat".
Bul týraly QR Prezidenti Qasym-Jomart Toqaev telearna arqyly úndeýinde aityp berdi.
«Biz biýdjettik shyǵyndardy maksimaldy tiimdi bolatyn baǵyttarǵa qaita buramyz. Otandyq kásipkerlerdi qoldaýǵa jáne jańa jumys oryndaryn qurýǵa kem degende 300 mlrd teńge bólinedi», - dedi Memleket basshysy.
Esterińizge sala ketsek, QR Prezidentiniń Jarlyǵymen Dúniejúzilik densaýlyq saqtaý uiymynyń jańa COVID-19 koronavirýsyn pandemiia dep jariialaýyna bailanysty azamattardyń ómiri men densaýlyǵyn qorǵaý maqsatynda Qazaqstan Respýblikasynyń barlyq aýmaǵynda 2020 jylǵy 16 naýryz 08 saǵat 00 minýt pen 2020 jylǵy 15 sáýir 07 saǵat 00 minýt aralyǵynda tótenshe jaǵdai engizildi.
Sondai-aq Qazaqstan azamattaryna 15 sáýirge deiin el aýmaǵynan shyǵýǵa tyiym salyndy.
