وتاندىق كەسٸپكەرلەردٸ قولداۋعا جەنە جاڭا جۇمىس ورىندارىن قۇرۋعا ەڭ كەمٸ 300 ملرد تەڭگە بٶلٸنەدٸ, دەپ حابارلايدى "ۇلت اقپارات".
بۇل تۋرالى قر پرەزيدەنتٸ قاسىم-جومارت توقاەۆ تەلەارنا ارقىلى ٷندەۋٸندە ايتىپ بەردٸ.
«بٸز بيۋدجەتتٸك شىعىنداردى ماكسيمالدى تيٸمدٸ بولاتىن باعىتتارعا قايتا بۇرامىز. وتاندىق كەسٸپكەرلەردٸ قولداۋعا جەنە جاڭا جۇمىس ورىندارىن قۇرۋعا كەم دەگەندە 300 ملرد تەڭگە بٶلٸنەدٸ», - دەدٸ مەملەكەت باسشىسى.
ەستەرٸڭٸزگە سالا كەتسەك, قر پرەزيدەنتٸنٸڭ جارلىعىمەن دٷنيەجٷزٸلٸك دەنساۋلىق ساقتاۋ ۇيىمىنىڭ جاڭا COVID-19 كوروناۆيرۋسىن پاندەمييا دەپ جارييالاۋىنا بايلانىستى ازاماتتاردىڭ ٶمٸرٸ مەن دەنساۋلىعىن قورعاۋ ماقساتىندا قازاقستان رەسپۋبليكاسىنىڭ بارلىق اۋماعىندا 2020 جىلعى 16 ناۋرىز 08 ساعات 00 مينۋت پەن 2020 جىلعى 15 سەۋٸر 07 ساعات 00 مينۋت ارالىعىندا تٶتەنشە جاعداي ەنگٸزٸلدٸ.
سونداي-اق قازاقستان ازاماتتارىنا 15 سەۋٸرگە دەيٸن ەل اۋماعىنان شىعۋعا تىيىم سالىندى.
