Óskemen qalasynda koronavirýstyń aldyn alý maqsatynda kópshilik oryndardaǵy balalar oiyn alańdary jabylǵan, dep habarlaidy "Ult aqparat".
Bul jaily búgin qala ákimdiginde ótken jiyn barysynda shahar basshysy Jaqsylyq Omar málim etti.
«Prezident Qasym-Jomart Toqaevtyń tapsyrmasyna sáikes, koronavirýstyń taralýyna jol bermes úshin birqatar sharalar qolǵa alynǵan. Atap aitqanda, biznes ókilderine dezinfektsiialaý jumystaryn júrgizý jaily keńes berildi. Barlyq mádeni-kópshilik sharalar, sporttyq saiystar keiinge shegerildi. Kópshilik oryndardaǵy balalar oiyn alańdary jabyldy. Sondai-aq 13 naýryzdan bastap bilim berý mekemelerindegi úiirmeler, qosymshalar toqtatyldy», - deidi ol.
Esterińizge sala ketsek, Memleket basshysy Qasym-Jomart Toqaev koronavirýs pandemiiasyna bailanysty Qazaqstanda qoǵamdyq is-sharalardyń toqtatylatynyn jariia etken bolatyn.
