Koronavirýs infektsiiasynyń taralýyn baqylaý jáne juqtyrý oshaqtaryn ýaqtyly oqshaýlaý maqsatynda ázirlengen «Saqbol» mobildi qosymshasy 100 myń ret júktep alyndy, dep habarlaidy "Ult aqparat".
«100 myń júkteý – bul óte jaqsy kórsetkish. Óitkeni qosymsha tek qazan aiynda iske qosyldy. Biraq, bul da jetkiliksiz. Ol tiimdi bolýy úshin el turǵyndarynyń kem degende 60 paiyzy qosymshany smartfondaryna ornatýy kerek. Sondyqtan men qazaqstandyqtardy ózi men jaqyndarynyń qaýipsizdigi úshin «Saqbol» qosymshasyn júkteýge jáne PTR-test oń bolǵan jaǵdaida habarlama jiberýden qoryqpaýǵa shaqyramyn. Habarlamalar anonimdi, aýyrǵandardyń aty-jónin, meken jaiyn, bailanystaryn, ornalasqan jerin kórsetýdiń qajeti joq», - dedi «Ulttyq aqparattyq tehnologiialar» AQ-nyń basqarma tóraǵasy Áset Turysov.
Aita keteiik, Saqbol paidalanýshylardyń telefondary arasynda Bluetooth arqyly shifrlanǵan derekterdi berý arqyly jumys isteidi. Eger adam koronavirýsqa PTR testin tapsyrsa jáne onyń nátijesi oń shyqsa, ol sońǵy 14 kún ishinde 2 metr qashyqtyqta 5 minýttan artyq bailanysta bolǵan adamdarǵa jasyryn túrde eskertý jasai alady.
