Koronavirýsten qaza tapqan adamdardan da indet saý adamǵa juǵady. Bul týraly búgin ótken onlain-brifingte QR DSM Taýarlar men kórsetiletin qyzmetterdiń sapasy men qaýipsizdigin baqylaý komiteti basqarmasynyń basshysy Záýresh Jumadilova aitty, dep habarlaidy "Ult aqparat".
"Koronavirýsten qaza tapqan adamdardan indet saý adamǵa juǵa ma?» degen saýal da túsip jatyr. Árine, juǵady. Qoǵamdyq kólikterdi, liftilerdi bostan-bosqa zalalsyzdandyryp jatqan joqpyz. Lifti túimeshesine qaraǵanda koronavirýspen aýyrǵan adam áldeqaida qaýip týdyrady. Sondyqtan múrdege onyń týystarynyń jaqyndaýyna tyiym salyp otyrmyz. Joǵary qorǵanys quraldary bar sanitarlyq-epidemiologiia qyzmettiń baqylaýymen múrdeni jýý jáne jerleýge daiyndaý rásimderin júrgizemiz", - dedi Záýresh Jumadilova.
Sonymen qatar ol qaza tapqan adamdar men kóńil aitýshylardyń arasynda qashyqtyq saqtalýy, múrde men janazaǵa jinalǵandardyń ara qashyqtyǵy keminde 3 metr bolýy tiistigin basa aitty.
