Mońǵoliia eliniń ministrler kabineti joǵary ázirlik rejimin taǵy bir aiǵa uzartý jóninde sheshim qabyldady, dep habarlaidy Montsame aqparat agenttigi.
25 naýryz kúni eldiń Ministrler kabineti kezekten tys otyrys ótkizip, sonyń barysynda joǵary ázirlik rejiminiń merzimin taǵy bir aiǵa uzartý sheshimin qabyldady.
Mońǵoliia vitse-premeri, Memlekettik tótenshe komissiianyń basshysy S. Amarsaihan eldegi qazirgi jaǵdai jáne koronavirýsqa qarsy kúres jedel sharalary týraly málimet berdi.
Otyrysta sondai-aq 5,9 mlrd týgrik kólemindegi biýdjet jobasy talqylanyp, qabyldandy.
Bul qarajat vaktsinalaý naýqanyn belsendirý jáne turǵyndar arasynda koronavirýs juqtyrýdyń kúrt kóterilgen deńgeiin azaitýǵa, sondai-aq qazirgi joǵary ázirlik rejiminiń merzimin taǵy bir aiǵa, iaǵni 31 naýryzdan 30 sáýirge deiin uzartý jobasyn iske asyrýǵa jumsalmaq.
Kásibi organdardaǵy 25 mamannan quralǵan jumys tobynyń qaýip deńgeiin kezekti 22-shi baǵalaý qorytyndylaryna sáikes, elde infektsiia qaýpiniń deńgeii «óte joǵary».
Budan basqa, Ministrler kabineti Úkimettiń memlekettik shekaradan ótkizý beketterine qatysty sharalar týraly qaýlysyna ózgerister engizdi.
Osylaisha, onyń qyzmetiniń merzimi de bir aiǵa uzartyldy.
Bul rette 14 ótkizý beketi arqyly júk tasymaly 1 mamyrǵa deiin qalypty rejimde júzege asyrylady, al jolaýshylar qozǵalysy jabylady.
Jolaýshylar shekaradan tek Memlekettik tótenshe komissiianyń ruqsatymen ǵana óte alady.
