Mańǵystaý oblysynda 11 qazan kúngi jaǵdai boiynsha, koronavirýs infektsiiasymen statsionarda jatqan naýqastardyń sany – 57, dep habarlaidy "Ult aqparat".
Qoǵamdyq kommýnikatsiia ortalyǵynyń aqparatyna sáikes, 57 naýqastyń 49-y aýrýhanaǵa – koronavirýstyq pnevmoniia, 8-i COVID-19 diagnozymen jatqyzylǵan.
Oblystyq densaýlyq saqtaý basqarmasynyń málimetinshe, jansaqtaý bóliminde 5 naýqas jatyr. Onyń ishinde 3-eýi – aýyr, 2-eýi – óte aýyr jaǵdaida. Jansaqtaý bólimindegi naýqastardyń jaǵdaiy tynys alýdyń jetispeýshiligi men ilespe aýrýlardan órshigen.
Aita keteiik, oblys kóleminde 215 infektsiialyq I-II satyly tósek oryn bar. Sondai-aq, reanimatsiialyq tósek sany 43-ke deiin kóbeitildi.
Koronavirýstyń joqtyǵyn rastaityn anyqtamasyz shetelden kelgen Qazaqstan Respýblikasynyń azamattary men shetel azamattaryna arnalǵan Aqtaý qalasynda – 15, Jańaózen qalasynda – 100, Qaraqiia aýdanynda – 10, Beineý aýdanynda 10 tósek-oryndy karantindik statsionarlar ashyldy.
