ماڭعىستاۋ وبلىسىندا 11 قازان كٷنگٸ جاعداي بويىنشا, كوروناۆيرۋس ينفەكتسيياسىمەن ستاتسيوناردا جاتقان ناۋقاستاردىڭ سانى – 57, دەپ حابارلايدى "ۇلت اقپارات".
قوعامدىق كوممۋنيكاتسييا ورتالىعىنىڭ اقپاراتىنا سەيكەس, 57 ناۋقاستىڭ 49-ى اۋرۋحاناعا – كوروناۆيرۋستىق پنەۆمونييا, 8-ٸ COVID-19 دياگنوزىمەن جاتقىزىلعان.
وبلىستىق دەنساۋلىق ساقتاۋ باسقارماسىنىڭ مەلٸمەتٸنشە, جانساقتاۋ بٶلٸمٸندە 5 ناۋقاس جاتىر. ونىڭ ٸشٸندە 3-ەۋٸ – اۋىر, 2-ەۋٸ – ٶتە اۋىر جاعدايدا. جانساقتاۋ بٶلٸمٸندەگٸ ناۋقاستاردىڭ جاعدايى تىنىس الۋدىڭ جەتٸسپەۋشٸلٸگٸ مەن ٸلەسپە اۋرۋلاردان ٶرشٸگەن.
ايتا كەتەيٸك, وبلىس كٶلەمٸندە 215 ينفەكتسييالىق ٸ-ٸٸ ساتىلى تٶسەك ورىن بار. سونداي-اق, رەانيماتسييالىق تٶسەك سانى 43-كە دەيٸن كٶبەيتٸلدٸ.
كوروناۆيرۋستىڭ جوقتىعىن راستايتىن انىقتاماسىز شەتەلدەن كەلگەن قازاقستان رەسپۋبليكاسىنىڭ ازاماتتارى مەن شەتەل ازاماتتارىنا ارنالعان اقتاۋ قالاسىندا – 15, جاڭاٶزەن قالاسىندا – 100, قاراقييا اۋدانىندا – 10, بەينەۋ اۋدانىندا 10 تٶسەك-ورىندى كارانتيندٸك ستاتسيونارلار اشىلدى.
