Qytaida ujymdyq immýnitetti qalyptastyrý úshin COVID-19 virýsyna qarsy bir milliardtan astam adamǵa ekpe saldyrtý qajet. Mundai pikirin Qytai eliniń aýrýlardy qadaǵalaý jáne aldyn alý ortalyǵynyń bas immýnology Van Hýatsin bildirdi, dep habarlaidy "Ult aqparat".
«Vaktsinalaý deńgeii neǵurlym joǵary bolsa, immýndyq barer soǵurlym kúshtirek bolady», - dedi Van Hýatsin.
Qytailyq immýnolog el turǵyndaryn infektsiianyń taralý jolynda qorǵanys barerin qalyptastyrý úshin tezirek vaktsina saldyrtýǵa úndedi. Bul rette ol vaktsinanyń qalypty, kovidke deiin bolǵan ómirge tezirek qaityp oralý úshin mańyzdy ekenin atap ótti.
Onyń aitýynsha, COVID-19 virýsynyń jyldam taralýy onyń mýtatsiialanýyna múmkindik beredi. Virýstyń jyldam mýtatsiiasyn toqtatýdyń eń jaqsy ádisi – infektsiianyń kózin joiý bolyp tabylady, bul adamdardy tezirek vaktsinalaý jáne olarda koronavirýsqa qarsy immýnitetin qalyptastyrýdy bildiredi.
Vaktsinalaýdan keiin koronavirýsty juqtyrý múmkindigine qatysty qaýiptenýge qatysty túsiniktemesin bergen qytailyq sarapshy 3-shi fazanyń klinikalyq synaqtary ekpe saldyrtqan adamdardyń kóbinde immýndyq qorǵanys paida bolatynyn atap ótti.
Buǵan deiin QHR jetekshi epidemiology Chjýn Nanshan Qytai biliginiń 2021 jyldyń maýsymyna qarai COVID-19 virýsyna qarsy vaktsinany el turǵyndarynyń 40-qa jýyq paiyzyna, nemese 560 myńǵa jýyq adamǵa (QHR halyq sany – shamamen 1,4 mlrd adam) egýge nietti ekenin málimdedi.
Qytaida turǵyndardyń basym toptaryn vaktsinalaý ótken jyldyń jeltoqsanynda bastalǵan. Sońǵy málimetterge sáikes, búkil el boiynsha koronavirýsqa qarsy vaktsinanyń 164 mln dozasy egilgen.
