قىتايدا ۇجىمدىق يممۋنيتەتتٸ قالىپتاستىرۋ ٷشٸن COVID-19 ۆيرۋسىنا قارسى بٸر ميللياردتان استام ادامعا ەكپە سالدىرتۋ قاجەت. مۇنداي پٸكٸرٸن قىتاي ەلٸنٸڭ اۋرۋلاردى قاداعالاۋ جەنە الدىن الۋ ورتالىعىنىڭ باس يممۋنولوگى ۆان حۋاتسين بٸلدٸردٸ, دەپ حابارلايدى "ۇلت اقپارات".
«ۆاكتسينالاۋ دەڭگەيٸ نەعۇرلىم جوعارى بولسا, يممۋندىق بارەر سوعۇرلىم كٷشتٸرەك بولادى», - دەدٸ ۆان حۋاتسين.
قىتايلىق يممۋنولوگ ەل تۇرعىندارىن ينفەكتسييانىڭ تارالۋ جولىندا قورعانىس بارەرٸن قالىپتاستىرۋ ٷشٸن تەزٸرەك ۆاكتسينا سالدىرتۋعا ٷندەدٸ. بۇل رەتتە ول ۆاكتسينانىڭ قالىپتى, كوۆيدكە دەيٸن بولعان ٶمٸرگە تەزٸرەك قايتىپ ورالۋ ٷشٸن ماڭىزدى ەكەنٸن اتاپ ٶتتٸ.
ونىڭ ايتۋىنشا, COVID-19 ۆيرۋسىنىڭ جىلدام تارالۋى ونىڭ مۋتاتسييالانۋىنا مٷمكٸندٸك بەرەدٸ. ۆيرۋستىڭ جىلدام مۋتاتسيياسىن توقتاتۋدىڭ ەڭ جاقسى ەدٸسٸ – ينفەكتسييانىڭ كٶزٸن جويۋ بولىپ تابىلادى, بۇل ادامداردى تەزٸرەك ۆاكتسينالاۋ جەنە ولاردا كوروناۆيرۋسقا قارسى يممۋنيتەتٸن قالىپتاستىرۋدى بٸلدٸرەدٸ.
ۆاكتسينالاۋدان كەيٸن كوروناۆيرۋستى جۇقتىرۋ مٷمكٸندٸگٸنە قاتىستى قاۋٸپتەنۋگە قاتىستى تٷسٸنٸكتەمەسٸن بەرگەن قىتايلىق ساراپشى 3-شٸ فازانىڭ كلينيكالىق سىناقتارى ەكپە سالدىرتقان ادامداردىڭ كٶبٸندە يممۋندىق قورعانىس پايدا بولاتىنىن اتاپ ٶتتٸ.
بۇعان دەيٸن قحر جەتەكشٸ ەپيدەميولوگى چجۋن نانشان قىتاي بيلٸگٸنٸڭ 2021 جىلدىڭ ماۋسىمىنا قاراي COVID-19 ۆيرۋسىنا قارسى ۆاكتسينانى ەل تۇرعىندارىنىڭ 40-قا جۋىق پايىزىنا, نەمەسە 560 مىڭعا جۋىق ادامعا (قحر حالىق سانى – شامامەن 1,4 ملرد ادام) ەگۋگە نيەتتٸ ەكەنٸن مەلٸمدەدٸ.
قىتايدا تۇرعىنداردىڭ باسىم توپتارىن ۆاكتسينالاۋ ٶتكەن جىلدىڭ جەلتوقسانىندا باستالعان. سوڭعى مەلٸمەتتەرگە سەيكەس, بٷكٸل ەل بويىنشا كوروناۆيرۋسقا قارسى ۆاكتسينانىڭ 164 ملن دوزاسى ەگٸلگەن.
