Qytaida koronavirýstan emdelip, aýrýhanadan shyǵarylǵan patsientterdiń sany 50% asty. Bul týraly jeksenbi kúni QHR Densaýlyq saqtaý isteri jónindegi memlekettik komitettiń resmi ókili Mi Fen brifing barysynda málim etti, dep habarlaidy "Ult aqparat".
«Aýrýhanadan saýyǵyp shyqqandar úlesi 52,1% jetti. Bul, koronavirýstyń aldyn alý jáne indetpen kúres baǵytyndaǵy jalpy jaǵdaidyń jaqsaryp kele jatqandyǵyn kórsetedi», - dep atap ótti Mi Fen.
Ótken jeksenbide Qytaida Irannan oralǵan qytailyq eki azamattan koronavirýs anyqtaldy. Eki naýqas Máskeý arqyly Qytaiǵa ushyp kelgen.
Qytaiǵa koronavirýsty «ákelýdiń» taǵy bir jaǵdaiy Shenchjende (Ońtústik Qytai, Gýandýn provintsiiasy) tirkelgen. Naýqas – Londonnan Gonkong arqyly ushyp kelgen 25 jastaǵy er adam.
Ózge elderden koronavirýsty «ákelý» qaýpine bailanysty Qytai endi shekaradaǵy baqylaýdy kúsheitip, keletin jolaýshylarǵa qatysty shekteýler engizýde.
«El Úkimeti óz azamattarynyń densaýlyǵyna qaýip tónip turǵan jaǵdaida olardy shetelden evakýatsiialaýǵa kómek kórsetýge nietti», - dep málimdedi QHR SIM konsýldyq qyzmet departamentiniń basshysy Tsýi Aimin.
Qytailyq diplomat 10 azamattyq reis uiymdastyrylǵanyn jáne búginde 1,3 myńnan astam qytailyq azamat QHR-ǵa jetkizilgenin atap ótti.
Sońǵy málimetter boiynsha, QHR-da koronavirýs juqtyrýdyń rastalǵan jaǵdailarynyń jalpy sany – 80 026, 2912 adam kóz jumdy, 44 462 adam aýrýhanadan emdelip shyqty. Naýqastarmen bailanysta bolǵan 46 219 adam meditsinalyq baqylaýda.
