Aqmola oblysynda 14 adam koronavirýs juqtyrdy degen aqparat jalǵan bolyp shyqty, dep habarlaidy "Ult aqparat".
«WhatsApp-ta Aqmola oblystyq týberkýlezge qarsy dispanserge koronavirýs juqtyrý kúdigimen 14 adam jatqyzylǵany týraly aqparat taraǵan bolatyn. Bul aqparat shyndyqqa janaspaidy», - delingen óńirlik Taýarlar men kórsetiletin qyzmetterdiń sapasy men qaýipsizdigin baqylaý departamentiniń Facebook-paraqshasynda.
Vedomstvo qyzmetkerleri azamattarǵa rastalmaǵan aqparatty taratpaýǵa shaqyrady. Óitkeni,jalǵan aqparat úshin qylmystyq jáne ákimshilik jaýapkershilik qarastyrylǵan.
«Jalǵan aqparattyń avtory anyqtalyp, jazaǵa tartylady. Koronavirýs infektsiiasyna qatysty suraqtar týyndaǵan jaǵdaida resmi aqparat kózderi – QR Densaýlyq saqtaý ministrligi nemese 1406 arqyly respblikalyq call-ortalyqqa habarlasýǵa bolady», - dep tolyqtyrdy vedomstvodan.
