Qostanai oblysynyń densaýlyq saqtaý basqarmasynyń basshysy Viacheslav Dýdnik óńirde koronavirýs indetinen kóz jumǵan patsientke qatysty mán-jaidy baian etti, dep habarlaidy QazAqparat.
«Ol - Jitiqara qalasynyń turǵyny. Naqtyraq aitqanda 1945 jyly týǵan er adam jáne 1955 jylǵy áiel 12 sáýir kúni jedel jerdem kóligimen dene qyzýymen, álsizdikpen Jitiqaradaǵy aýrýhanaǵa jetkizilgen. Aýrýhanaǵa kelgen kezdegi jaǵdaiy ortasha edi. Patsienttiń aitýynsha aýrýdyń alǵashqy belgileri 5 sáýirde baiqalǵan. Alaida patsient meditsinalyq uiymǵa júginbei, ózdigimen emdele bergen», - dedi Viacheslav Dýdnik «Habar 24» arnasynan berilgen onlain rejimdegi baspasóz másihatynda.
Basqarma basshysy patsientterdiń ekeýi de basqa adamdarmen bailanysta bolǵanyn, Jitiqara qalasynan syrtqa shyqqanyn jasyrǵan.
«Zertteýlerden keiin ekeýinen de koronavirýs infektsiiasy anyqtaldy. 14 sáýirde saǵat 18.00 shamasynda 1945 jylǵy er adamnyń jaǵdaiy kúrt nasharlap, onyń qyzýy 39 gradýstan asyp ketti. Búgin tańerteń inkýbatsiia júrgizilip, ol ókpeniń jasandy jeldetkishine qosyldy. Ol jansaqtaý bóliminde jatty. Biraq tańerteńgi 08.30 kezinde patsient kóz jumdy. Onymen bailanysta bolǵan adamdar anyqtalýda. Ekinshi patsient Jitiqaradaǵy infektsiialyq aýrýhanada jatyr. Jaǵdai ortasha deńgeide», - dedi ol.
Aita ketsek ókinishke qarai búgin Qostanai oblysynda koronavirýs indetinen bir naýqas kóz jumdy. Ol 1945 jyly dúniege kelgen. Qazaqstanda koronavirýstan barlyǵy 15 adam qaitys boldy.
