7 maýsymda 768 adamnyń koronavirýs testi oń shyqty. Bul - sońǵy úsh aida tirkelgen eń tómengi kórsetkish. Eki kún burynǵy málimet boiynsha, 5 adamǵa koronavirýs pnevmoniiasy diagnozy qoiylǵan. 6 maýsymda 26 adam ólimi tirkelgen: 20 adam - koronavirýstan, 6 adam koronavirýs pnevmoniiasynan kóz jumdy dep aitylady.
Dúisenbi kúni Qaraǵandy oblysynda – 149, Nur-Sultanda – 73, Almatyda – 125, Aqmola oblysynda – 62, Almaty oblysynda – 59, Pavlodar oblysynda – 51, Batys Qazaqstan oblysynda 39 adamnan koronavirýs anyqtaldy. Shymkentte – 21, Atyraý oblysynda – 29, Shyǵys Qazaqstan oblysynda – 70, Jambyl oblysynda – 16, Qostanai oblysynda – 36, Qyzylorda oblysynda – 8, Mańǵystaý oblysynda – 9, Soltústik Qazaqstan oblysynda – 13, Túrkistan oblysynda 8 naýqas tirkelgen. Ótken táýlikte Aqtóbe oblysynda birde-bir naýqas anyqtalmaǵan.
Indet bastalǵaly beri 395 832 adamnyń PTR testi oń shyqqan. Qazir 22 712 adam emdelip jatyr. 4096-sy qaitys bolǵan.
Al 2020 jyldyń 1 tamyzynan beri koronavirýs pnevmoniiasyna shaldyqqandar 55 809 adamǵa jetti. 3395-i qaitys bolǵan. Qazir 875-i emdelip jatyr.
Densaýlyq saqtaý ministrliginiń málimetinshe, 540 naýqastyń jaǵdaiy aýyr, 114 naýqastyń jaǵdaiy óte aýyr, 71 naýqas jasandy tynys apparatyna qosylǵan.
Sońǵy málimet boiynsha, 2 mln 285 myń adam koronavirýsqa qarsy vaktsinanyń keminde bir dozasyn alǵan. 1 mln 213 myń adam eki dozasyn alǵan. Azamattarǵa reseilik "Spýtnik V", qazaqstandyq QazVac jáne qytailyq Sinopharm jáne "Sinovac Biotech Ltd" kompaniiasynyń CoronaVac (Sinovac) vaktsinasy egilip jatyr.
Amerikalyq Djons Hopkins ýniversitetiniń dereginshe, indet bastalǵaly beri álemde 173 mln 541 myń adamnan koronavirýs anyqtalǵan. 3 mln 734 myń adam qaitys bolǵan.
