Kókshetaýda koronavirýstan kóz jumǵan 68 jastaǵy áiel men 43 jastaǵy er adamnyń diagnozdary belgili boldy, - dep habarlaidy Aqmola oblystyq taýarlar jáne kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti.
«1952 jylǵy áiel ókpesiniń ekijaqty qabynýy, limfoadenopatiia, eksýdativti plevrit belgilerimen kópbeiindi oblystyq aýrýhananyń intensivti terapiia bólimshesine jetkizildi. Jaǵdaiy aýyr dep baǵalandy. Naýqas demikpege shaǵymdandy jáne ókpeni jasandy jeldetý apparatyna qosyldy.
Júrgizilgen PTR tekserý koronavirýstyq infektsiiany anyqtady. Baqylaýdyń barlyq kezeńinde naýqasta teris dinamika baiqaldy. Dárigerler júrgizgen reanimatsiialyq sharalar nátije bermedi. 14 maýsymda naýqas kóz jumdy. Jedel járdem brigada jeke qorǵaný quraldarymen jumys istedi», - deidi vedomstvodan.
Sonymen qatar, Covid-19 koronavirýs infektsiiasynyń aýyr aǵymy, ókpesiniń ekijaqty qabynýy jiti respiratorlyq distress-sindromnyń asqynýy diagnozymen oblys ortalyǵynyń turǵyny 1977 jylǵy er adam kóz jumdy.
«Meditsinalyq kómekke ýaqytyly júgingen kezinde, qaiǵyly jaǵdai bolmas edi. Er adam 4 kún ózin-ózi emdegen. Dene qyzýy 41,3 gradýsqa kóterilgen kezde dárigerler qyzmetine júgingen, biraq ol nátije bermedi. Ýyttaný sindromy men tynys alý jetkiliksizdiginiń aiasynda naýqastyń jaǵdaiy nasharlap, ol da 14 maýsymda kóz jumdy», - dep tolyqtyrdy vedomstvodan.
