Koronavirýsqa qarsy otandyq vaktsinanyń I jáne II komponenti arasyndaǵy merzimdi uzartý qarastyrylmady. Bul týraly QR DSM Qoǵamdyq densaýlyq saqtaý ulttyq ortalyǵynyń «Sanitariialyq-epidemiologiialyq saraptama jáne monitoring ǵylymi-praktikalyq ortalyǵy» filialy direktorynyń orynbasary Manar Smaǵul aitty, dep habarlaidy "Ult aqparat".
Ortalyq kommýnikatsiialar qyzmetindegi baspasóz qyzmetinde qazaqstandyq vaktsinanyń (QazVac) I jáne II komponenti arasyndaǵy 21 kúndi uzartý múmkindigi týraly suraldy.
«Otandyq vaktsinany saldyrý merziminiń aralyǵyn uzartý vaktsina óndirýshilerdiń nusqaýymen ǵana engiziledi. Qazirgi kezde bul másele kóterilmedi. Jańa derekter bolǵanda ǵana tiisti ózgerister engiziledi. Eske sala keteiik, Gamaleia ulttyq epidemiologiia jáne mikrobiologiia ǵylymi-zertteý ortalyǵynyń direktory Aleksandr Gintsbýrgtiń resmi málimdemesinen keiin «Spýtnik-V» vaktsinasynyń komponentterin saldyrý aralyǵy uzartyldy», - dedi Smaǵul.
Osy oraida qazaqstandyq vaktsinanyń I jáne II komponentiniń arasyndaǵy merzimdi uzartý máselesi qarastyrylmaǵanyn naqtylady.
