Biologiialyq qaýipsizdik máseleleri ǵylymi-zertteý institýty janýarlarǵa arnalǵan koronavirýsqa qarsy vaktsina ázirleýdi josparlap otyr.
Bul týraly QR Bilim jáne ǵylym vitse-ministri Miras Dáýlenov aityp berdi, dep habarlaidy "Ult aqparat.
«Institýt (BQMǴZI) aldyna janýarlarǵa arnalǵan COVID-19 qarsy vaktsinany ázirleý mindeti qoiyldy. Janýarlardyń da aýrý juqtyra alatynyn jáne tasymaldaýshy bola alatynyn bilemiz. Olardyń adamdarǵa aýrý juqtyrmaýy úshin osyndai vaktsina qajet. Sondyqtan institýt aldyna osy mindet qoiylyp otyr», - dedi vitse-ministr Ortalyq kommýnikatsiialar qyzmetinde ótken baspasóz máslihatynda.
Aita keteiik, erteń 15 sáýirde «QAZVAC» otandyq vaktsinasyn klinikalyq zertteýdiń úshinshi kezeńi aiaqtalady.
