Qazaqstan densaýlyq saqtaý ministrliginiń 28 sáýir 17.40-taǵy málimetine sai, elde taǵy 37 adamnan koronavirýs tabyldy: Almaty oblysynda - 12, Almaty qalasynda - 10, Aqtóbe oblysynda - 4, Qyzylorda oblysynda - 3, Qaraǵandy obylsynda – 3, Nur-Sultan qalasynda - 2, Aqmola oblysynda - 1, Shyǵys Qazaqstan oblysynda - 1, Mańǵystaý oblysynda 1 adam.
Osylaisha elde koronavirýs juqtyrǵandar úsh myńnan asty – 3019 (seisenbide 159 adam qosyldy). 754 adam (seisenbide 29 adam) dertten aiyqty. 25 adam qaitys boldy.
Aita keteiik, Qazaqstan Prezidenti Qasym-Jomart Toqaev “virýs taraýynyń sharyqtaý sheginen ótken joqpyz” dep eldegi tótenshe jaǵdaidy 11 mamyrǵa deiin sozdy. Biraq karantin sharttaryn jeńildetken. Jurt endi maskamen aýlaǵa shyǵa alady jáne saiajaiǵa bara alady.
1 mamyrdan bastap Almaty men Nur-Sultan arasynda áýe reisteri usha bastaidy. Jolaýshylar virýs juqtyrmaǵanyn dáleldeitin anyqtama ákelýi tiis.
Qazaqstan densaýlyq saqtaý ministrligi basynda elde 3500 adamǵa virýs juǵady dep boljaǵan. Keiin boljamdy ózgertip, mamyrdyń sońyna deiin 4 myńdai adamnan virýs tabylady dep málimdedi.
Koronavirýs juqtyrǵan 3019 adam myna aimaqta:
- Almaty qalasy – 919
- Nur-Sultan qalasy – 601
- Qyzylorda oblysy – 186
- Shymkent qalasy – 176
- Qaraǵandy oblysy – 139
- Atyraý oblysy – 128
- Batys Qazaqstan oblysy – 126
- Túrkistan oblysy – 121
- Pavlodar oblysy – 120
- Almaty oblysy – 113
- Jambyl oblysy – 108
- Aqmola oblysy – 95
- Aqtóbe oblysy – 65
- Qostanai oblysy – 43
- Mańǵystaý oblysy – 32
- Soltústik Qazaqstan oblysy – 30
- Shyǵys Qazaqstan oblysy – 17
