Qazaqstanda vaktsinanyń birinshi komponenti 766 614 azamatqa salyndy. Bul týraly QR Densaýlyq saqtaý vitse-ministri – Bas memlekettik sanitar dáriger Erlan Qiiasov aitty, dep habarlaidy "Ult aqparat".
«Búgingi kúni birinshi komponentpen 766 614 azamat, ekinshi komponentpen 126 500 azamat egildi. Qajettilikti eskere otyryp, egý pýnkteriniń sany turaqty túrde ósip kele jatqanyn atap aitqym keledi. Búgingi kúni óńirlerde 1 051 egý pýnktinde immýndaý júrgizilýde. Budan basqa, shalǵaidaǵy aýdandarda, uiymdasqan ujymdarda, adamdar kóp jinalatyn jerlerde KVI-ge qarsy vaktsinatsiia júrgizý úshin 303 kóshpeli egý brigadasy jumyldyryldy», - dedi Erlan Qiiasov Ortalyq kommýnikatsiialar qyzmetindegi baspasóz máslihatynda.
Onyń dereginshe, immýndaý naýqanyna 10 myńnan astam meditsina qyzmetkeri tartyldy.
«Aýyl turǵyndary úshin vaktsinatsiianyń qoljetimdiligin arttyrý maqsatynda vaktsinatsiia jyljymaly meditsinalyq keshenderdi paidalana otyryp uiymdastyrylady», - dedi vitse-ministr.
