Qazaqstanda koronavirýsqa bailanysty statsionarlyq karantinde jatqandar sany 3 adamǵa azaiyp, úi karantinine jatqyzylǵandar sany 353 adamǵa kóbeidi. Bul jaiynda QR Densaýlyq saqtaý ministrliginen málim etti, dep habarlaidy "Ult aqparat".
«Búginde elimizde koronavirýs juqtyrǵan 9 naýqas, onyń ishinde Almaty qalasynda – 7, Nur-Sultan qalasynda 2 adam tirkelgen. Statsionarlyq karantinde - 1 641, úi karantininde 981 adam jatyr. Sonymen qatar QHR-dan jáne shekaralas memleketterden kelgen azamattarǵa monitoring jalǵasýda», - dep atap ótedi ministrlikten.
Vedomstvonyń málimetinshe, barlyq sanattar boiynsha monitoringke 2 626 adam alyndy. Onyń ishinde 1 «A» sanaty boiynsha – 1 689, 1 «B» sanaty boiynsha – 586, 2-sanaty boiynsha 351 adam bar. Monitoringke alynǵan 2 626 adamnyń 503-ine baqylaý toqtatyldy. 2 123 adamǵa monitoring júrgizilýde.
«Qazirgi ýaqytta dene qyzýymen jáne JRVI belgilerimen 129 adam aýrýhanaǵa jatqyzyldy. Onyń ishinde 1 «B» sanaty boiynsha – 39 adam, 2-sanat boiynsha – 43 adam 3-sanat boiynsha - 47 adam. Aýrýhanaǵa jatqyzylǵandar sany 129, 65 azamat shyǵaryldy. 73 adam statsionarda qalady. Onyń 64-i dene qyzýmen jáne JRVI belgilerimen, al 9-y koronavirýspen aýrýhanada jatyr. Bas memlekettik sanitarlyq dárigerdiń qaýlysymen atalǵan patsientter algoritmge sáikes infektsiialyq statsionarǵa jatqyzyldy. Epidemiiaǵa qarsy qajetti sharalar, onyń ishinde oqshaýlaý, emdeý jáne zararsyzdandyrý jumystary júrgizilýde. Jaǵdai QR Densaýlyq saqtaý ministrliginiń turaqty baqylaýynda», - delingen taratylǵan aqparatta.
