Koronavirýs infektsiiasynyń taralýyna jol bermeý jónindegi vedomstvoaralyq komissiia halyqty dári-dármekpen qamtamasyz etý baǵytynda atqarylyp jatqan jumystar jóninde málim etti, dep habarlaidy "Ult aqparat".
«Qazaqstan Respýblikasy Densaýlyq saqtaý ministrligi Qazaqstandaǵy dárilik zattardyń bólshek saýda naryǵyn qoldaý úshin birqatar keshendi sharalar qabyldady. Onyń ishinde, 11 ushaq arqyly shet elderden 9,2 mln-nan astam qaptama (50 ataý) suranysqa ie dárilik zattar jetkizildi. Atalǵan preparattar Qazaqstannyń barlyq óńirleri arasynda birkelki bólindi, jergilikti atqarýshy organdar óńirlerge ýaqtyly jetkizilýin qamtamasyz etti.
Budan basqa, ár oblystyń jáne respýblikalyq mańyzy bar qalalardyń ákimdikteri azamattardyń dári-dármekterge degen qajettiligin úzdiksiz qamtamasyz etý úshin jergilikti turaqtandyrý qorlaryn uiymdastyrdy. Qosymsha, jergilikti biýdjetter qarjysyna 10 mlrd teńgeden astam somaǵa suranysqa ie dárilik zattardy satyp alý júzege asyrylýda», - delingen aqparatta.
Sondai-aq buǵan deiin habarlanǵandai, QR Densaýlyq saqtaý ministrligi elimiz aýmaǵyna dárilik zattardy jetkizý rásimin jeńildetti. Atap aitqanda, ruqsat berý qujattaryn berý merzimi 1 (bir) táýlikke deiin qysqartyldy, ónimniń qaýipsizdigi men sapasyn baǵalaý (sertifikattaý) tek deklaratsiialaý arqyly jáne ótinim qabyldanǵan kúnnen bastap 3 jumys kúninen aspaityn merzimde júrgiziledi.
«Biylǵy 11 shildeden bastap 12 tamyz aralyǵynda Densaýlyq saqtaý ministrligi dárilik zattar men meditsinalyq buiymdardyń 562 ataýyn ákelýge 610 ruqsat berdi.
Sondai-aq, 2020 jylǵy 1 shildeden bastap 12 tamyz aralyǵynda inistrlik 8,0 mln qaptamadan astam dárilik zattardyń 49 saýda ataýyna qaýipsizdigi men sapasy týraly 392 qorytyndy berdi», - dedi COVID-19 taralýyna jol bermeý jónindegi vedomstvoaralyq komissiiadan.
Sonymen qatar, bólshek saýda jelisi men aýrýhanalardyń qajettilikterin qanaǵattandyrý úshin otandyq farmatsevtikalyq óndirýshiler antibiotikter óndirisiniń ailyq kólemin ulǵaitty. Mysaly, Azitromitsindi óndirý aiyna 300 myń qaptamaǵa deiin jetkizildi, al Levofloksatsin (500 mg) aiyna 100 myń qaptamaǵa deiingi kólemde shyǵarylady.
Jalpy alǵanda otandyq óndirýshiler aǵymdaǵy jyldyń shilde aiynda respýblika naryǵyna suranysqa ie dárilik zattardyń 600 myńnan astam qaptamasyn jetkizgen.
«Budan basqa, dárilik zattardyń tapshylyǵy baiqalǵan jaǵdaida biryńǵai distribiýtor «SQ-«Farmatsiia» tarapynan dárilik zattar naryǵynda interventsiia júrgiziletin bolady.
Densaýlyq saqtaý ministrligi Taýarlar men kórsetiletin qyzmetterdiń sapasy men qaýipsizdigin baqylaý komitetiniń aýmaqtyq departamentteri kúndelikti negizde suranysqa ie dárilik zattardyń 21 ataýy boiynsha monitoringti júzege asyrady.
Qazirgi ýaqytta monitoring qorytyndysy boiynsha elimizdiń kóterme saýda qoimalary men dárihanalarynda dárilik zattar qorynyń turaqty ósýi baiqalady. Aǵymdaǵy jyldyń shilde aiymen salystyrǵanda ystyqty túsiretin, antibiotikterdiń, virýsqa qarsy preparattar men antikoýgýlianttardyń qory 100% astam ósti, al keibir pozitsiialar boiynsha ósim 5 eseden astamdy quraidy. Atap aitqanda, paratsetamol qory 2,5 ese, tseftriakson qory 5 eseden astam ósti.
Qazaqstan Respýblikasy Densaýlyq saqtaý ministrligi Qazaqstannyń halqy úshin dárilik zattardyń úzdiksiz jáne qoljetimdi bolýyn qamtamasyz etý boiynsha turaqty negizde jumys júrgizýde», - delingen baspasóz habarlamasynda.
