Qazaqstanda 1 090 adam statsionarlyq karantinde jatyr. Bul jaiynda QR Densaýlyq saqtaý ministrliginiń Facebook paraqshasynda jariialanǵan aqparatta aitylǵan, dep habarlaidy "Ult aqparat".
«Búgingi kúni elimizde koronavirýs tirkelýiniń 6 oqiǵasy rastaldy. Onyń 4 oqiǵasy Almatyda, ekeýi Nur-Sultan qalasynda tirkelgen. Statsionarlyq karantinde 1 090, úi karantininde 452 adam jatyr. Buǵan qosa, QHR men kórshiles memleketterden kelgen azamattardy monitoringileý jalǵasýda», - delingen taratylǵan aqparatta.
Vedomstvo málimetinshe, barlyq sanattar boiynsha 2 272 adam, onyń ishinde 1 «A» sanatynda 1 438, 1 «B» sanatynda 475, 2-sanatta 359 adam monitoringileýge alynǵan. 380 adamnan monitoringileý alynyp tastaldy. 14 naýryzdaǵy jaǵdai boiynsha 1892 adam monitoringileýde tur.
«Qazirgi ýaqytta 116 adam dene qyzýymen jáne JRVI-men aýrýhanaǵa jatqyzyldy. Onyń ishinde 1 «B« sanaty boiynsha - 31, 2-sanat boiynsha - 42, 3-sanat boiynsha - 43 adam. Aýrýhanaǵa jatqyzylǵan 116 adamnyń 62-si shyqty. Statsionarda 54 adam jatyr. Bas memlekettik sanitarlyq dárigerdiń qaýlysyna orai, atalǵan patsientter bekitilgen algoritmge sáikes infektsiialyq statsionarǵa jatqyzylǵan. Epidemiiaǵa qarsy barlyq qajetti sharalar, onyń ishinde oqshaýlaý, emdeý jáne zararsyzdandyrý sharalary qabyldanýda. Aita keterligi, jaǵdai QR Densaýlyq saqtaý ministrliginiń turaqty baqylaýynda tur», - dep atap ótedi vedomstvodan.
