Qazaqstanda koronavirýstyń taralaýyna jol bermeý jónindegi vedomstvoaralyq komissiia aimaqtardaǵy epidemiologiialyq jaǵdaidy habarlady.
Birinshi aqpandaǵy jaǵdai boiynsha Aqmola, Batys Qazaqstan, Pavlodar jáne Soltústik Qazaqstan oblystary koronavirýstyń taralýy boiynsha "qyzyl" aimaqta tur.
"Sary" aimaqta Nur-Sultan qalasy men Atyraý, Shyǵys Qazaqstan, Qostanai jáne Qaraǵandy oblysy bar. Al qalǵan óńirler "jasyl" aimaqta tur.
Qazaqstan Respýblikasy infektsiianyń taralýy boiynsha "sary" aimaqta.
Buǵan deiin Nur-Sultan men Almaty koronavirýs infektsiiasynyń taralýy boiynsha "qyzyl" aimaqtan "sary" aimaqqa ótti.
Qazir Almaty "jasyl" aimaqta tur. Sondai-aq, "qyzyl" aimaqtan "sary" aimaqqa Atyraý oblysy aýysty. Shyǵys Qazaqstan oblysy "jasyl" aimaqtan "saryǵa" kóshti.
Aita keteiik, Qazaqstanda bir táýlikte 1 259 adam koronavirýs juqtyrdy, 16 adam pnevmoniiaǵa shaldyqty.
