Koronavirýs infektsiiasyna bailanysty Qazaqstan Ońtústik Koreia men Iranǵa áýe reisterin shekteidi, dep habarlaidy "Ult aqparat".
Bul týraly QR Bas memlekettik sanitar dárigeri Jandarbek Bekshin aityp berdi.
«Ońtústik Koreia qaýpi jaǵynan 1 sanatqa engizildi. 1 naýryzdan bastap 9 reisten 3 reiske deiin azaiady. QR Investitsiia jáne infraqurylymdyq damý jáne Syrtqy ister ministrlikterimen birlesip, ózge memleketterdi de qarastyryp jatyrmyz. Máselen, Japoniiaǵa aptasyna eki ret reis ushady. Jolaýshylar aǵyny az bolǵandyqtan, ázirge esh qiyndyq joq», - dedi Jandarbek Bekshin Ortalyq kommýnikatsiialar qyzmetinde ótken baspasóz máslihatynda.
Sonymen birge, Iran men Qazaqstan arasyndaǵy áýe qatynasyna shekteý qoiylady.
«Túrkiia, Pákistan, Oman, Aýǵanstan syndy elder Iranmen áýe qatynasyn ýaqytsha shektegen edi. Ózge memleketter boiynsha shekteý qoiý máselesin qarastyryp jatyrmyz», - dedi bas sanitarlyq dáriger.
Aita keteiik, Ońtústik Koreiada 1 146 adam koronavirýs juqtyryp, 11 adam kóz jumdy. Iranda koronavirýsqa qatysty 42 oqiǵa tirkelip, onyń 12-si ólimmen aiaqtaldy.
