Qazaqstanda aldyńǵy aptamen salystyrǵanda koronavirýs indetiniń taralýy 3,6 ese, iaǵni 127-den 457 jaǵdaiǵa deiin ósti, dep habarlaidy DSM baspasóz qyzmeti.
Aita ketý kerek, COVID-19 aýrýynyń ósýi basqa elderde de baiqalady. Máselen, koronavirýstyq infektsiia boiynsha syrqattaný álemdik statistika derekteri sońǵy 7 kúnde 15%, ólim-jitim 3%-ǵa ósken. Tósek-oryndardyń qamtylýy 5%-dy quraidy, rezervte 22 myńnan astam tósek-oryn bar.
Al, elimizde sońǵy aptada anyqtalǵan 457 jaǵdaidyń 391-i nemese 85%-y Almaty jáne Nur-Sultan qalalaryna tiesili.
"Vaktsinatsiia mártebesin taldaý kezinde patsientterdiń 80%-y KVI-ge qarsy vaktsinatsiialanbaǵan adamdar jáne vaktsinatsiiadan keiin 6 aidan astam ýaqyt ótken adamdar ekendigi anyqtaldy. Bul fakt vaktsinatsiia KVI infektsiiasynan qorǵaýdyń jáne ujymdyq immýnitetti qalyptastyrýdyń jalǵyz tiimdi sharasy ekenin kórsetedi.
Esterińizge sala keteiik, COVID-19-ǵa qarsy vaktsinatsiia naýqany jalǵasýda. Sońǵy derekter boiynsha vaktsinatsiiamen qamtý - 80,2%-dy, ekinshi komponentpen 78,0%-dy qurady.
Revaktsinatsiiany 4,7 mln adam nemese tiisti halyqtyń 67,4% aldy. Qaita vaktsinatsiiany 170 myń adam nemese tiisti kontingenttiń 50,6% aldy" - delingen habarlamada.
Vedomstvo málimetinshe, qazirgi ýaqytta táýligine 20-21 myń ekpe jasalady. Bul baǵyttaǵy jumystar jalǵasyp jatyr.
"Respýblikada koronavirýstyq infektsiiaǵa qarsy úsh vaktsina bar, barlyǵy - 2,3 mln doza. KVI boiynsha turaqty epidemiologiialyq jaǵdaidy qoldaý maqsatynda, ásirese KVI aýrýy boiynsha joǵary táýekel tobyna kiretin adamdarǵa revaktsinatsiiadan ótý usynylady" - delingen aqparatta.
