Frantsiianyń qarjy ministri Brýno Le Mer koronavirýske bailanysty sý-spirttik gelder nemese meditsinalyq maskalar baǵalarynyń jasandy kóterilýin tergeýdi bastaýdy tapsyrdy, dep habarlaidy "Ult aqparat".
«Meni onlain satylymdardyń keibir dúkenderinde qoldy tazartqysh quralynyń baǵasy eki-úsh esege óskeni týraly habardar etti. Koronavirýsqa bailanysty alypsatarlyqqa jol berilmeidi», - dep jazdy Le Mer Twitter-de.
«Sondyqtan men Básekelestik, tutyný jáne alaiaqtyqpen kúres máseleleri jónindegi bas direktsiiadan sý-spirttik gelder men maskalardyń baǵasyna qatysty tergeýdi bastaýyn suradym», - dedi ol.
Frantsýz ministri «eger mundai alypsatarlyq kóp oryn alsa, atalǵan gelder men maskalardyń baǵasyn retteý týraly daiyn qaýlynyń jobasy bar» ekenin atap ótti.
Sondai-aq Italiia úkimeti de keibir meditsinalyq taýarlar baǵasynyń kóterilýine qarsy shara qoldanýǵa nietti ekenin málimdedi.
Sonymen qatar Italiianyń Monopoliiaǵa qarsy basqarmasy elektrondy kommertsiialyq platformalardan dezinfektsiialyq quraldar men meditsinalyq maskalardy qymbat baǵamen Internet arqyly satýdy toqtatý úshin sharalar qoldanýdy talap etti.
