Koronavirýs infektsiiasynyń qandai jerlerde uzaq ómir súretini belgili boldy, dep habarlaidy "Ult aqparat" COVID-19 taralýyna jol bermeý jónindegi vedomstvoaralyq komissiiaǵa silteme jasap.
Zertteý nátijesi kórsetkendei, COVID-19 qaptama materialdarynda, negizinen kartonda jáne plastiktiń ártúrli formalarynda birneshe saǵat, tipti birneshe táýlik boiy ómir súre alady.
Sonymen qatar, kóptegen taǵamdar tasymaldanatyn tómengi temperatýrada da virýs turaqtylyǵyn joǵaltpaidy.
Dúniejúzilik densaýlyq saqtaý uiymy «qazirgi ýaqytta Covid-19 tamaqtyń betki qabaty nemese tamaq oramasy arqyly berilý faktisi kezdespegenin» málimdedi. Alaida, uiym indettiń juǵý qaýpin azaitý úshin birqatar qarapaiym erejelerdi saqtaý qajet dep sanaidy.
Atap aitqanda, tamaq oramdaryn dezinfektsiialaýdyń qajeti joqtyǵyn, biraq sýpermarketke, dúkenge nemese bazarǵa barǵannan keiin qoldy dezinfektsiialaý kerektigin habarlaidy.
Sonymen qatar, DDSU sarapshylary saýda núktelerinen taýar salyp ákelgen polietilen paketterdi qaita paidalanbaýǵa keńes beredi.
