19 sáýirde saǵat 00.15-te Qarasai aýdany Eltai aýyldyq okrýgine qarasty Bereke aýylynda jergilikti turǵyndar aýyldaǵy dárigerlik ambýlatoriianyń aldyna jinaldy, - dep habarlaidy oblys ákiminiń baspasóz qyzmeti.
Jinalǵandar aýyldyq meditsinalyq mekemeniń (ambýlatoriia) koronavirýs infektsiiasymen aýyrǵan azamattarmen qarym-qatynasta bolǵandardy oqshaýlaý úshin qoldanylatyn observatsiialyq statsionar retinde paidalanylýyna óz narazylyqtaryn bildirdi. Ambýlatoriianyń ishinde patsientter bolmaǵan, bos turǵan. Turǵyndar arasynan buzaqylar shyǵyp, ǵimaratqa materialdyq shyǵyn keltirgen (esik-terezelerin buzyp, 30 tósek pen matrats syrtqa laqtyrylǵan). Jinalǵandardyń ishinde jekelegen adamdar alkogoldik ishimdikke mas kúiinde bolǵan - delingen habarlamada.
Qarasai aýdanynyń ákimi Jandarbek Dalabaev jinalǵan turǵyndarmen sóilesýge kelip, túsindirýge tyrysqanymen aýyl turǵyndary ákimniń sózine qaǵattanbai, observatsiialyq statsionardy jabýdy talap etken. Munan soń mas kúiindegi azamattar Qarasai aýdandyq poltsiia bólimine jetkizilgen.
Osy oqiǵa boiynsha Qarasai APB-da QR QK 202-babynyń 1-bóligine sáikes, iaǵni bógdeniń múlkine qasaqana ziian keltirý áreketi boiynsha qylmystyq is qozǵaldy. Tótenshe jaǵdai kezinde zańsyz áreketti uiymdastyryp, buzaqylyqqa bastaǵany úshin kináliler qatań jazalanady. Almaty oblysynyń ákimdigi turǵyndardy kórineý jalǵan aqparattarǵa senbeýge, tek resmi málimetterge den qoiýǵa shaqyrady - delingen ákimshilik taratqan aqparatta.
Tekserilmegen aqparat kózderinen kórineý jalǵan aqparat taratqandar, osy tektes áreketterge jol bergender QR zańnamalaryna sáikes jaýapqa tartylady.
