Qaraǵandy oblysynyń aýrýhanalarynda 2 290 adam koronavirýs infektsiiasynan em alýda. Jansaqtaý bóliminde 89 adam jatyr, dep habarlaidy "Ult aqparat".
Aýrýhanaǵa jatqyzylǵandardyń 99%-y vaktsina almaǵan. Kóbinese aýrýhanalarǵa búkil otbasylarymen túsedi.
«Otbasymyzben birge vaktsinatsiialaýǵa úlgermedik. Aýrýhanaǵa anamyzben birge tústik. Onyń qant diabeti bar. Aýrý óte qaýipti jáne sizdi ne kútip turǵanyn bilmeisiz. Meditsina qyzmetkerlerine kásibiligi úshin rahmet. Emdelip, qalpymyzǵa kelgen soń mindetti túrde egiletin bolamyz», – dedi qaraǵandylyq naýqastardyń biri.
Kovidtik aýrýhanalarda dárigerler táýlik boiy jumys isteidi. Únemi aralaý, emdeý, satýratsiiany tekserý qajet. Naýqastarǵa tynys alý jattyǵýlaryn jasaýǵa, kóp suiyqtyq ishýge jáne etbetimen jatýǵa keńes beriledi.
«Qyzyl» aimaqtaǵy dárigerler qaraǵandylyqtardan bir ǵana nárse – ekpe jasaýdy suraidy. Vaktsinatsiialanǵan adam koronavirýs infektsiiasyn juqtyrsa da, aýrý áldeqaida jeńil bolady.
Qaraǵandy oblysynda 19 shildedegi jaǵdai boiynsha vaktsinanyń birinshi komponentin 351 018 adam, ekinshisin 197 253 adam aldy.
