قاراعاندى وبلىسىنىڭ اۋرۋحانالارىندا 2 290 ادام كوروناۆيرۋس ينفەكتسيياسىنان ەم الۋدا. جانساقتاۋ بٶلٸمٸندە 89 ادام جاتىر, دەپ حابارلايدى "ۇلت اقپارات".
اۋرۋحاناعا جاتقىزىلعانداردىڭ 99%-ى ۆاكتسينا الماعان. كٶبٸنەسە اۋرۋحانالارعا بٷكٸل وتباسىلارىمەن تٷسەدٸ.
«وتباسىمىزبەن بٸرگە ۆاكتسيناتسييالاۋعا ٷلگەرمەدٸك. اۋرۋحاناعا انامىزبەن بٸرگە تٷستٸك. ونىڭ قانت ديابەتٸ بار. اۋرۋ ٶتە قاۋٸپتٸ جەنە سٸزدٸ نە كٷتٸپ تۇرعانىن بٸلمەيسٸز. مەديتسينا قىزمەتكەرلەرٸنە كەسٸبيلٸگٸ ٷشٸن راحمەت. ەمدەلٸپ, قالپىمىزعا كەلگەن سوڭ مٸندەتتٸ تٷردە ەگٸلەتٸن بولامىز», – دەدٸ قاراعاندىلىق ناۋقاستاردىڭ بٸرٸ.
كوۆيدتٸك اۋرۋحانالاردا دەرٸگەرلەر تەۋلٸك بويى جۇمىس ٸستەيدٸ. ٷنەمٸ ارالاۋ, ەمدەۋ, ساتۋراتسييانى تەكسەرۋ قاجەت. ناۋقاستارعا تىنىس الۋ جاتتىعۋلارىن جاساۋعا, كٶپ سۇيىقتىق ٸشۋگە جەنە ەتبەتٸمەن جاتۋعا كەڭەس بەرٸلەدٸ.
«قىزىل» ايماقتاعى دەرٸگەرلەر قاراعاندىلىقتاردان بٸر عانا نەرسە – ەكپە جاساۋدى سۇرايدى. ۆاكتسيناتسييالانعان ادام كوروناۆيرۋس ينفەكتسيياسىن جۇقتىرسا دا, اۋرۋ ەلدەقايدا جەڭٸل بولادى.
قاراعاندى وبلىسىندا 19 شٸلدەدەگٸ جاعداي بويىنشا ۆاكتسينانىڭ بٸرٸنشٸ كومپونەنتٸن 351 018 ادام, ەكٸنشٸسٸن 197 253 ادام الدى.
