Qaraǵandy oblysynda meditsina qyzmetkerlerin vaktsinalaý jumystary jalǵasýda, dep habarlaidy "Ult aqparat".
Búgingi tańda COVID-19 vaktsinatsiiasymen 1600 adam qamtyldy. 22 aqpannan bastap taǵy 80 adam «Gam-Kovid-Vak» (Spýtnik V) ekinshi dozasyn aldy.
«Oblysta vaktsinatsiiadan keiingi asqynýlar tirkelgen joq. Qaraǵandy oblysynyń bas memlekettik sanitariialyq dárigeri Iýrii Zalygin «Spýtnik V» koronavirýstyq infektsiiaǵa qarsy vaktsinanyń ekinshi komponentimen egildi. Vaktsinanyń ekinshi dozasyn birinshi siiaqty sanitariialyq dáriger MSAK bazasynda aldy. Algoritm boiynsha bas dáriger meditsinalyq baqylaýda 30 minýt ótkizdi, onyń aitýynsha, ol ózin jaqsy sezinedi», - dep málimdedi Qaraǵandy oblysy sanitarlyq-epidemiologiialyq baqylaý departamentiniń baspasóz qyzmeti.
Naqty aldyn-alýdyń jalǵyz ádisi – vaktsinatsiia. Denege vaktsina engizý aýrýdy týdyrýy múmkin emes, qorǵanys antidenelerin shyǵarý arqyly immýndyq júieni infektsiiamen kúresýge múmkindik beredi. Profilaktikalyq egýge qarsy kórsetilimderi joq adamdar jiberiledi. Vaktsinatsiia aldynda dárigerdiń mindetti tekserisi júrgiziledi. Egiletin adam jazbasha túrde profilaktikalyq egýlerdi júrgizýge erikti túrde habardar etilgen kelisimge nemese bas tartýǵa qol qoiady. Eki satyly vaktsinanyń dozalaryn alý arasyndaǵy interval 21 kúndi quraidy.
