Izrail qalypty ómirge oralyp jatyr, dep habarlaidy VVS agenttigi.
21 aqpan, jeksenbiden bastap Izrail koronavirýs infektsiiasynyń taralýyna bailanysty engizilgen shekteý sharalaryn alyp tastady. Turǵyndardyń jartysyna jýyǵy kem degende vaktsinanyń alǵashqy bóligin alyp úlgerdi.
Elde sport zaldary, qonaqúiler men dini mekemelerdiń jumysy jandandy. Kelýshilerde vaktsina jasaǵany nemese antideneniń bar ekenin dáleldeitin qujat ákelýi qajet. Ekpe nemese antideneniń bar ekeni týraly málimet Densaýlyq saqtaý ministrliginiń tapsyrys boiynsha jasalǵan arnaiy mobildik baǵdarlamada kórsetiledi.
Sondai-aq, Izrailde barlyq dúkenniń jumysy jandanady, olarǵa barý úshin koronavirýsqa infektsiiasyna qarsy immýnitettiń bar ekenin dáleldeýdiń qajeti joq.
Izrail turǵyndary burynǵysha áleýmettik qashyqtyq saqtaýǵa mindetti. Banket zaldary men meiramhanalarda bileýge tyiym salynǵan, al meshitke, sinagogke, shirkeýge bir ýaqytta keletin adam sany jartysynan aspaýy kerek.
Izraildegi vaktsinatsiia kampaniiasy – álemdegi eń belsendi jáne jyldam kampaniialardyń biri. Pfizer vaktsinasynyń alǵashqy bóligin 9 million halyqtyń 45%-dan astamy alyp úlgerdi.
El biliginiń málimeti boiynsha, vaktsinanyń eki dozasynyń tiimdiligi - 95,8%. Izrailde pandemiia bastalǵaly 740 myń adam koronavirýs juqtyryp, 5500-ge jýyǵy qaitys boldy.
El biligi byltyr úsh ret qatań karantin tártibin engizdi. Izrail úkimeti tórtinshi karantin bolmaidy dep ýáde berdi.
