Dúisenbi kúni Italiianyń azamattyq qorǵanys departamenti elde ótken táýlikte koronavirýstan 23 adam qaitys bolǵanyn málim etti, Bul – eldegi naýryz aiynan beri bir kún ishinde tirkelgen eń tómengi ólim kórsetkishi. Jeksenbi kúni ol 24-ke jetken bolatyn, dep habarlaidy ANSA agenttigi.
Úsh adam elde virýstan eń kóp zardap shekken aimaq Lombardiiada qaitys bolǵan. Bul – 27 aqpannan beri aimaqta tirkelgen eń az ólim kórsetkishi. Qazirgi ýaqytta Italiiada koronavirýstan kóz jumǵandardyń jalpy sany 34 657 adamǵa jetti.
Sondai-aq, departament elde bir táýlikte koronavirýs juqtyrýdyń 218 jańa jaǵdaiy tirkelgenin habarlady. Olardyń 143-i Lombardiiadan anyqtalǵan.
Dúisenbi kúni eldiń Apýliia, Friýli-Venetsiia-Djýliia, Sitsiliia, Sardiniia, Ýmbriia, Valle-d'Aosta jáne Bazilikata aimaqtarynda birde-bir koronavirýs juqtyrý jaǵdaiy tirkelmegen.
183 426 adam saýyǵyp shyqqan.
Italiiada COVID-19 virýsyn juqtyrǵandardyń jalpy sany 238 720 adamǵa jetti.
