Italiianyń premer-ministri Djýzeppe Konte el ishinde jaiylǵan koronavirýsqa bailanysty karantin sharalaryn keńeitilip, onyń ishinde azamattardyń júrip-turýyna shekteý qoiylatyndyǵy týraly málimdedi, dep habarlaidy "Ult aqparat".
«Sońǵy derekterdi, aýrý juqtyrǵandar men qaitys bolǵandar sanynyń ósýin eskere otyryp, biz Lombardiia men basqa da aimaqtarǵa qatysty sharalardy eldiń barlyq aýmaǵynda qolǵa alý týraly sheshim qabyldadyq», - dedi Konte Facebook-te transliatsiialanǵan baspasóz máslihatynda.
Ol belgili sebepter bolǵan kezde ǵana elde qozǵalysqa ruqsat etiletindigin túsindirdi, olardyń arasynda jumys nemese otbasy jaǵdailary, sondai-aq densaýlyqqa bailanysty qajettilikter bar. Jańa normalar 10 naýryzdan bastap kúshine enedi.
Budan bólek, Konte 3 sáýirge deiin eldegi barlyq oqý ornyn jabylatyndyǵyn málim etti.
Buǵan deiin barlyq kóńil kóterý orny, sport klýby, sulýlyq salony, sondai-aq taý shańǵysy kýrortyn jabý týraly jariialanǵan bolatyn. Búkil Italiia boiynsha mádeni mekemeler jabyq.
Sońǵy derekter boiynsha, Italiiada infektsiia juqtyrǵandardyń jalpy sany 9 myń adamnan asty. 700-den astam adam emdelip shyqty. 463 adam virýstan kóz jumǵan.
