Koronavirýs infektsiiacy insýlt pen epilepsiia týdyrýy múmkin, dep habarlaidy "Ult aqparat" QR Prezidenti janyndaǵy Tótenshe jaǵdai rejimin qamtamasyz etý jónindegi Memlekettik komissiianyń Jedel shtabyna silteme jasap.
Nemis ǵalymy Frank Erbgýt — Niýrnberg klinikasyndaǵy nevrologiialyq ortalyqtyń meńgerýshisi COVID-19-dyń saldarynan týyndaityn nevrologiialyq aýrýlar týraly málimdedi.
Professordyń aitýynsha, aýyr halde jatqan naýqastarda aýrýdyń asqyný belgileri retinde insýlt, mi qabyǵynyń qabynýy, bas ainalýy jáne tipti epilepsiia paida bolýy múmkin. Virýs aǵzanyń óz júike jasýshalaryna keri shabýyldaityn ózdiginen joiǵysh aýtoimmýndyq protsesti iske qosady.
Frank Erbgýt nevrologiialyq asqynýlar Qytaidyń Ýhan qalasyndaǵy emdelýshilerdiń 36,4%-ynda baiqalǵanyn atap ótti. Degenmen, professor mundai asqyný belgileri kópshilikte baiqalmaitynyn aityp, sendirdi. Bul belgilerdi virýstyń simptomy dep sanamai, erekshe jaǵdai dep qaraǵan jón.
