Qazaqstanda koronavirýs juqqany testpen rastalǵandar qatary 692 adamǵa kóbeidi. 8 adamǵa koronavirýs pnevmoniiasy diagnozy qoiyldy. Bul týraly densaýlyq saqtaý ministrliginiń 23 aqpan kúngi habarlamasynda jazylǵan. Ótken táýlikte 9 adam ólimi tirkelgen: 8 adam – koronavirýstan, 1 adam koronavirýs pnevmoniiasynan qaitys bolǵan.
2020 jyldyń naýryz aiynan beri 208 809 adamnyń koronavirýs testi oń shyqqan. Sodan beri 2 707 adam qaitys bolǵan. 192 773 adam aiyqqan. Ótken táýlikte Almaty qalasynda ǵana júzden astam naýqas tirkelgen. Jalpy aimaqtaǵy ahýal tómendegidei:
- Nur-Sultan qalasynda - 24536 (+ 60 naýqas ótken táýlikte tirkelgen)
- Almaty qalasynda - 24470 (+111)
- Shyǵys Qazaqstan oblysynda - 21692 (+82)
- Atyraý oblysynda - 16967 (+28)
- Pavlodar oblysynda - 17128 (+93)
- Qaraǵandy oblysynda - 15133 (+35)
- Aqmola oblysynda - 13242 (+65)
- Batys Qazaqstan oblysynda – 12622 (+45)
- Soltústik Qazaqstan oblysynda - 12138 (+40)
- Qostanai oblysynda - 11985 (+67)
- Almaty oblysynda - 10512 (+36)
- Shymkent qalasynda - 6078 (+6)
- Jambyl oblysynda - 5865(+10)
- Túrkistan oblysynda - 4252(+5)
- Mańǵystaý oblysynda - 4202(+0)
- Aqtóbe oblysynda -4191(+0)
- Qyzylorda oblysynda -3796(+9).
2020 jyldyń 1 tamyzynan beri 48 991 adamnan koronavirýs pnevmoniiasy anyqtalǵan, sodan beri 613 naýqas qaitys bolǵan. 40 967 adam jazylǵan.
23 aqpandaǵy málimet boiynsha, 20 780 adam koronovirýs infektsiiasynan (13 369 KVI+ jáne 7 411 KVI-) emdelýde. Olardyń ishinde 4 638 patsient statsionarda, 16 097 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
- 245 adamnyń jaǵdaiy aýyr;
- 55 patsienttiń jaǵdaiy óte aýyr;
- 48 naýqas ókpeni jasandy jeldetý apparatyna qosylǵan.
Jergilikti sarapshylar Qazaqstanda koronavirýs statistikasy azaitylyp kórsetiledi dep sanaidy. Byltyr maýsym, shilde ailarynda PTR testi teris nátije kórsetken, biraq aýrý belgileri koronavirýsqa uqsaityn pnevmoniiaǵa shaldyqqandar kúrt kóbeigen.
2020 jyly Qazaqstanda sońǵy 20 jyldaǵy eń joǵary adam ólimi kórsetkishi tirkelgen.
