Germaniianyń barlyq federaldy jerinde muryn men aýyzdy jaýyp turatyn maska jasap, ony koronavirýstyń taralýyna qarsy kúres úshin qoǵamdyq oryndarda taǵyp júrýdi mindetteý týraly sheshim qabyldady, dep habarlaidy The Local.
Maskany eldiń barlyq aýmaǵynda qoǵamdyq kólikte taǵý mindetti. Sondai-aq, keibir jerlerde adamdar saýda jasaǵan kezde betin jaýyp júrý kerek. Bremen «maska rejimin» qoldaǵan 16 federaldyq jerdiń sońǵysy boldy.
Germaniiada barlyq maska túrlerin, sonyń ishinde qoldan jasalǵandardy da paidalanýǵa ruqsat etilgen. Sondai-aq, muryn men aýyzdy jaýyp turatyn sharftardy jáne basqa da zattardy qoldanýǵa bolady.
Aita keteiik, Germaniianyń Tiýringiiadaǵy Iena qalasy turǵyndardy qoǵamdyq orynda meditsinalyq maska taǵýǵa mindettegen GFR-degi alǵashqy qala boldy.
Robert Koh atyndaǵy juqpaly aýrýlardy zertteý institýtynyń málimetinshe, 22 sáýirdegi jaǵdai boiynsha Germaniiada 145 694 adam koronavirýs juqtyryp, 4879 naýqas qaitys bolǵan. 99 myń adam emdelip shyqty.
