Finliandiianyń Premer-ministri Sanna Marin koronavirýs juqtyrý kúdigine bailanysty Briýsselde bastalǵan Eýropalyq odaq Memleket jáne úkimet basshylarynyń sammitinen ketýge májbúr boldy, dep habarlaidy "Ult aqparat".
Finliandiia ministrler kabinetiniń basshysy Sanna Marin Briýsselde bastalǵan sammittiń birinshi kúninde delegatsiia múshesi, Finliandiia Parlamentiniń depýtaty Tom Pakalenmen bailanysqan. Al Tom Pakalen tapsyrǵan testiden koronavirýs infektsiiasy rastalǵan.
Osyǵan bailanysty Marin ózin-ózi oqshaýlaý úshin EO is-sharasynan ekinshi kúni ketýge májbúr bolǵan.
EO-nyń aǵymdaǵy sammitinde Finliandiia atynan Shvetsiia delegatsiiasy qatysady.
Aita keteiik, Marin Briýsselde jumysyn toqtatýǵa májbúr bolǵan ekinshi - eýropalyq lider. Beisenbi kúni Eýropalyq komissiianyń basshysy Ýrsýla Von der Liaien óz apparatynda koronavirýs anyqtalǵanyna bailanysty ýaqytsha ózin-ózi oqshaýlaitynyn málimdegen edi.
