Eýropanyń dári-dármek jónindegi agenttigi AstraZeneca vaktsinasyn alǵannan keiin tromboz jaǵdailarynyń paida bolýy arasynda esh bailanys tappady. Osy rette birqatar eýropalyq el atalmysh preparatpen egýdi jalǵastyrmaq. Al Kiev biligi koronavirýs juqtyrǵandar sanynynyń artýyna bailanysty 9 sáýirge deiin lokdaýn engizdi, dep habarlaidy "Ult aqparat" VVS agenttigine silteme jasap.
AstraZeneca – bul qaýipsiz jáne tiimdi vaktsina. Mundai qorytyndyny Eýropanyń dári-dármek jónindegi agenttigi (EMA) jasady. Agenttik Oksford vaktsinasyn alǵan adamdarda qan uiý jaǵdailaryn teksergen.
Agenttik atap ótkendei, ony qoldanýdyń oń áseri barlyq yqtimal táýekelderden asyp túsedi.
EMA AstraZeneca vaktsinalary men keibir patsientterde bolǵan tromboz arasynda esh bailanys joq ekenin rastady.
Buǵan deiin Eýropalyq odaqtyń birqatar eli, sonyń ishinde Avstriia, Frantsiia, Germaniia, Italiia, Niderlandy jáne Ispaniia AstraZeneca vaktsinasymen egýdi ýaqytsha toqtatqan bolatyn. Sebep – vaktsinalanǵandarda aýyr tromboemboliialyq asqynýlardyń paida bolýy.
Germaniia atalmysh vaktsinadan keiin trombtardyń paida bolýynyń jańa jaǵdailary jóninde áli de habarlaýda. El biligi bul vaktsinamen egýdi ótken dúisenbide toqtatqan edi. Ol kezde qan uiýǵa qatysty 7 oqiǵa týraly aitylǵan bolatyn. Onyń ishinde úsh naýqas kóz jumdy.
Eýropa AstraZeneca vaktsinasymen egýdi qaita jalǵastyrady
Eýropanyń dári-dármek jónindegi agenttigi Oxford-AstraZeneca vaktsinasyn qaýipsiz dep tanyǵannan keiin kóptegen eýropalyq el atalmysh preparatpen egýdi qaita jalǵastyratynyn málimdedi.
Germaniianyń densaýlyq saqtaý ministri Iens Spannyń atap ótýinshe, elde koronavirýsqa qarsy AstraZeneca vaktsinasymen egý jumadan bastap qaita júrgiziledi.
«Federaldy úkimettiń jáne 16 jerdiń maqsaty – AstraZeneca-men egýdi erteńnen bastap jalǵastyrý», - degen I.Span, bul rette, dárigerler vaktsinatsiia jasamas buryn adamdarǵa trombtyń paida olý yqtimaldyǵy jóninde eskertýi kerektigin aitty.
Al Ispaniia AstraZeneca-men egýdi kelesi sársenbiden bastamaq. Bul týraly beisenbi kúni densaýlyq saqtaý ministri Karolina Darias málimdedi.
Buǵan deiin Italiia da atalmysh preparatmen egýdi jalǵastyratynyn málimdegen bolatyn.
Tek Shvetsiia biligi bul másele boiynsha sheshim qabyldaý úshin «birneshe kún qajettigin» aitqan bolatyn.
Frantsiiada jańa lokdaýnParij ben onyń mańyndaǵy qalalarda engiziledi. Frantsiianyń soltústigi men Nitstsa ainalasyndaǵy aýmaq senbiden bastap tórt aptaǵa sozylatyn jańa shekteý aimaǵyna kiredi. Bul aimaqtarda Covid-19 indetin juqtyrýshylar sanynyń kúrt ósýi baiqaldy.
Premer-ministr Jan Kastekstiń paiymynsha, Frantsiianyń keibir aýdandaryn qazir koronavirýstyń úshinshi tolqyny basty. Jalpy, el boiynsha kún saiyn infektsiiaǵa shaldyǵýdyń 35 myń jaǵdaiy tirkeledi, olardyń tórtten úshi Covid-19-dyń britandyq jańa túrine shaldyǵýshylar.
Jańa lokdaýn mektepter men ýniversitetterdiń jabylýyn kózdemeidi, sondai-aq adamdardyń ashyq aýada jattyǵýlar jasai alatyn ýaqytyn shektemeidi. Biraq kishigirim dúkender jabylyp, Parijden basqa aimaqtarǵa barýǵa tyiym salynady.
Búkilhalyqtyq komendanttyq saǵat óz kúshinde qaldy, biraq jazǵy ýaqytqa bailanysty ol keshki 6-dan emes, 7-den bastalady. J.Kasteks sonymen birge Frantsiia erteńnen bastap Eýropalyq meditsinalyq agenttik maquldaǵannan keiin AstraZeneca vaktsinasymen egýdi qaita bastaitynyn jáne ózi de ekpe alatynyn aitty.
Kievte kúrdeli epidemiologiialyq jaǵdaiǵa bailanysty 20 naýryzda saǵat 00.00-den bastap qatań lokdaýn jariialandy, ol 9 sáýirge deiin kúshinde bolady, dedi qala meri Vitalii Klichko.
20 naýryzdan bastap Ýkraina astanasynda saýda ortalyqtary, meiramhanalar, murajailar, teatrlar men kinoteatrlar jabylady. Kievtegi qoǵamdyq kólikter ádettegidei jumys isteidi. Biraq onyń tolymdylyǵy 50% aspaýy kerek jáne barlyq jolaýshy maskalyq rejimdi saqtaýy qajet.
Sońǵy birneshe kúnde Ýkrainada koronavirýspen aýrýhanaǵa túskenderdiń sany boiynsha rekord ornady: 16 naýryzda aýrýhanaǵa 5 myńǵa jýyq adam, 17 naýryzda 4,3 myńnan astam adam tústi.
