Elordada koronavirýs juqtyrǵan 18 naýqastyń jaǵdaiy óte aýyr. Bul týraly Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qisyqova mlim etti, dep habarlaidy "Ult aqparat".
«Sonymen qatar, dárigerge kesh qaralý, ózin-ózi emdeý jaǵdailary naýqastardyń densaýlyǵynyń nasharlaýyna ákelip soqtyrdy. Naýqastar dereý jansaqtaý bólimine jatqyzyldy. Búginde koronavirýs infektsiiasymen 730 naýqas aýrýhanada jatyr. Olardyń ishinde 48-iniń jaǵdaiy aýyr, sonyń arasynda 18 naýqas óte aýyr jaǵdaida. Olardyń ókpeleri jasandy jeldetý apparatyna qosylǵan», - dedi S. Qisyqova Ortalyq kommýnikatsiialar qyzmetinde.
Budan buryn habarlanǵandai, elordada virýs juqtyrǵan jalpy 2 620 adam anyqtaldy. Onyń ishinde 270-i bala. 1 829 naýqas nemese 70 paiyzy jazylyp shyqty. Ókinishke qarai, tolyq kólemde júrgizilgen meditsinalyq kómekke qaramastan, 14 adam qaitys boldy.
