Elorda turǵyndaryna aldaǵy eki aptada koronavirýs infektsiiasyna ekspress testileý júrgiziledi. Bul týraly Nur-Sultan qalasy Qoǵamdyq densaýlyq saqtaý basqarmasynyń basshysy Sáýle Qisyqova aityp berdi, dep habarlaidy QazAqparat.
«Halyq arasynda koronavirýs infektsiiasyna ekspress testileý júrgizý jaqyn aradaǵy eki aptaǵa josparlanǵan. Qazir koronavirýs infektsiiasynyń taralýy osy máselege jaýapty vedomstvolar men organdardyń baqylaýynda. Qazirgi ýaqytta koronavirýs infektsiiasyn diagnostikalaý Polimerazdy tizbektik reaktsiia ádisimen naýqastarmen bailanysta bolǵandarǵa jáne juqtyrý qaýpi joǵary adamdarǵa ǵana júrgiziledi», - dedi basqarma basshysy qala ákimdiginde ótken onlain brifingide.
Buǵan deiin basqarma basshysy Nur-Sultanda kornavirýs juqtyrǵandardyń basym bóligi 30-49 jas aralyǵynda ekenin málimdegen edi.
Nur-Sultan qalasy boiynsha tirkelgen barlyq 25 jaǵdai boiynsha jaqyn bailanysta bolǵan 244 adam Nur-Sultan men ózge óńirlerdegi aýrýhanalarǵa jatqyzyldy.
Eske sala ketsek, Qazaqstanda qazir koronavirýs infektsiiasyn juqtyrǵandar 49 adam boldy. Almatyda – 22 adam, Qaraǵandy qalasynda - 2 adam, Nur-Sultanda - 25 adam tirkelgen.
